【多圖】周雅霏去冰島成功睇北極光　靚女達人教你點著先唔會出事

眾所周知，北極光是一個極漂亮的自然景觀，不過亦都有很多人明白到，北極光不是話睇就睇，即使你有心山長水遠去到外地，也有可能食白果。今次周雅霏(Faye)自己去旅行，就十分幸福兼成功地連續看到三晚的北極光，當然有時成功並非全靠偶然，事前的準備功夫也要做足，不如聽聽她的意見，可能對你下次出發尋光之旅會有所幫助。

周雅霏，是一名旅遊達人，由英國讀完藝術畢業返香港後，試過做Model，參加過中國小姐選美。2013年主持nowTV的《霏雲闖蕩》而成名，一對腳行過很多國家，現在主持viuTV的《阿美利堅有外星人》，對旅遊和新奇事特別有興趣。

在接受《香港01》訪問時，Faye說：「我係冰島睇嘅，我哋連續遇到三日，好好彩。一開頭Join咗個 overnight tour，我哋都知道唔係咁易睇到，因為我啲朋友都唔係個個睇到。當地人有一個網（http://en.vedur.is/weather/forecasts/aurora/）可以check到forecasts（預測），呢度天氣好極端，我遇過大風雪，又試過好大雨。最重要防風褸，呢度剩係著普通褸會好凍，最好著防風防雨褸，裡面再著heattech，再加薄羽絨，咁個身已經好足夠。手嘅話，手套用啲裡面係鵝毛，出面係防水就得，同埋鞋一定要著雪鞋，如果唔係溶雪嗰陣就好易跣低，車就一定要搵四驅車。」