【後生仔傾吓偈】馮盈盈鍾意做Deadline Fighter：功課拖2年先交
撰文：溫菁莉
出版：更新：
「我份功課中咗毒，今日交唔到！」呢啲咪交唔切功課成日會同老師講嘅說話？喺呢嗰年代相信有好多學生做「deadline fighter」，又可能有些人未必知道係咩意思？顧名思義就係指臨deadline先開始做嘢嘅人！今晚播出的《後生仔傾吓偈》就討論呢嗰題目，主持之一的馮盈盈就自爆試過欠交工作紙，拖足兩年先補返，真係好誇張！佢喺節目中就為自己辯護，「要去到最後一刻先會爆發小宇宙！」又真係嘅，唔單止功課，有好多嘢都係臨最後一刻先會做。
+5
究竟係咩功課令到馮盈盈要拖足2年呢？她就透露：「嗰陣係阿sir求我交，因為佢話要keep record，但最後都係交一張。另一張完全無交，佢又無咗件事，對我哋太好太nice，鬥慢工出細貨。」雖然唔係個個人都係deadline先做嘢，諗住「十優」麥明詩應該好自律先係，點知連佢都話自己係deadline fighter，「都會發生喺我身上，重要的一定不會拖延，我覺得香港嘅考試有些不太重要，純粹浪費時間嘅好似唔計分嘅默書，好似有啲測驗太早溫好快唔記得，去到前一晚溫先最有成效。」此話一出，在旁的6號即刻話，「但佢拎A講緊之前已經要溫4、5遍，所以無需要前幾日先溫。」麥明詩立即被KO！
唔記得交功課都事小，爭卡數先嚴重！既要罰息，又會影響日後個人貸款，點知馮盈盈就自爆日前試過唔記得交卡數被罰款好唔開心，「個手續費有700幾蚊，嗰張卡係我大學申請，宜家無咩點用但之前買咗少少嘢，呢間唔係我用開，過數好複雜。要用另一個系統XXS去還，點知唔記得個密碼，停用咗！宜家要拎完錢再拎嚿錢去入數！」麥明詩就呼籲大家唔好用自動過數，因為會好唔覺意花費大咗都唔知！