【反黑】陳國坤第二季變奸？ 新和興盛揸Fit人大戰招積
撰文：溫菁莉
出版：更新：
內地點擊率內地點擊超過13.8億的網劇《反黑》昨晚就正式進入大結局喇，劇組日前就透露播出大結局後24小時，為提高節目質素將會變成2.0版本所以劇集將全部集數下架。而昨晚導演宋本中在慶功宴上亦宣佈將開拍第二及第三季，令不少觀眾都引頸以待。另外，編劇鍾盛遠昨晚亦大爆下季B1-1組會有一個隊員變節，有不少睇完大結局的觀眾都看得出有些端倪，並紛紛指是陳國坤！
+7
在大結局片尾劇集亦安排了3個彩蛋位，相信是為之後開拍嘅第二、三季留伏筆。首先就是原來神爺陳惠敏，原來有個仔叫「Michael」準備返香港接手和興盛。另一個就是有英國人到監獄找招積合力尋找龍頭棍的下落。但最終極一幕就是坐在和興盛主席位上飾演將軍的陳國坤，點解佢會出現呢？唔通佢就係編劇口中所講嘅B1-1組其中一個隊員變節？(好多黑人問號呀!)相信要到第二季先會有分曉，其實觀眾又真係未必會估錯，因為大結局中，將軍特別搵鳳凰告別，並向對方表示自己無意再做警察，想先放假再作打算。
據知，下一季主力就以陳國坤為主軸，因為要先睇陳小春的檔期是否能配合，如果屆時真的未能配合，陳小春飾演的鳳凰將會紮職升呢做警司，就好似第一季河國榮咁隔唔中出下嚟，但如果有檔期的話，就會有多一兩個單元。所以話，如果你下一季係想睇鳳凰嘅話呢，就可能會有些失望喇！