【使徒行者2】第五個臥底終於現身 雙重臥底有新意
撰文：黃梓恒
出版：更新：
《使徒行者2》一直都係玩找臥底，黎Sir（張兆輝）死後，一直都不知有幾個多個還臥在外面，所以卓Sir（苗僑偉）便開始他的尋找臥底生涯。首先搵到梅姐（黃翠如），之後到未知究竟是否真正臥底的樂少（周柏豪），到呢兩集搵埋徐天堂（袁偉豪），呢到已經有三個，咁究竟之後仲有幾多呢？
下文有少量劇透，逃生門在此。
+7
根據之前網上流出的消息，已確認Cherry（麥明詩）亦是臥底成員之一，即是已經有四個。到今晚這一集，梁斯敏（李焯寧）將會以國際犯罪集團成員成份出現，與Mr. White同級，不過就係同歡喜哥合作。一開頭大家都以為她就是黎Sir的第五個臥底，因為在網上早已透露她是臥底的資料，不過原來大家都估錯晒，她雖然是臥底，不過卻是魏德信（陳豪）派去集團的人。
不過你以為事實真的如此？咁又未必！因為根據消息，其實阿敏真係警察的臥底，首先被派去長興跟魏德信，之後又被派去國際犯罪集團做臥底，今次編劇有新意，唔再玩扮臥底，而係雙重臥底。不過.......很亂呀!