【爸爸去哪兒】Jasper做縣太爺判案　唱《小蘋果》趕走告狀大媽

內地綜藝節目《爸爸去哪兒》愈播愈紅，可謂近期最受歡迎綜藝節目，其中陳小春父子話題不斷，觀眾們真係睇少Jasper一陣都唔得。在最新一集中，一班小朋友到了山西平遙古城遊玩，當中Jasper更穿起古裝扮「縣太爺」，大玩「當官判案」，用一口古靈精怪的普通話，氹得大家哈哈大笑。

大家見到Jasper穿起清朝官服，坐在官堂之中，為一眾村民判案，大家是否有種似曾相識的感覺。皆因第三季的時候，康康也曾化身包青天，與胡軍一起開堂斷案，當時他更憑自己精密的邏輯判斷，將每一件案審得公平有理，以當時還是6歲的康康來說，非常了不起。

如今由Jasper當上縣太爺，其判案風格與康康的截然不同，Jasper崇尚「以情服人」。他經常用一對迷人的蒙豬眼電人，當聽不懂投案者說什麼，他就用古靈精怪的普通話說：「安靜！」再碎碎念地咁話：「我不是大老爺，我只是小朋友，我只想玩玩！」搞到投案者都哭笑不得。

各判案之中，最好笑的莫過於二名大媽投案，二人給Jasper一瓶醋當證供，希望他嘗出這瓶是屬於哪人，殊不知Jasper竟然將醋傳給全官堂的人員品嘗，一下子就把醋吃光。大媽們見醋被吃光了，就向Jasper討錢，但他哪裏有錢，惟有建議以歌代錢，Jasper見二人同意，即刻好開心大唱：「你是我的小呀小蘋果！就像天邊最美的雲朵！」又係《小蘋果》？究竟Jasper有幾鍾意《小蘋果》，佢由第一集開始已經不斷唱！

所謂打蛇隨棍上，大媽見Jasper肯為她獻唱，就得寸進尺，要佢錫淡自己先罷休，身為護法的軒軒，當然馬上為他擋。唔知係唔係畫面太噁心，當軒軒錫大媽的時候，Jasper非禮勿視，遮住咗對眼，望都唔敢望，怕怕羞羞咁，其實學下嗯哼咁，細細個就識同女仔相處都幾好，始終未來的生活都會面對，一早學定實冇死嘅 。