謝霆鋒切牛排穿崩　衰咗當學習：因為冇錢冇經驗

日前（27日）謝霆鋒在他的講座「鋒味人生」中，鼓勵別人時提到了自己初入行時的經歷：「可能因為我叫謝霆鋒，所以我入行時得到嘅attentions（注意）會比別人多少少。係呢件事可以好或者唔好。Is how you treat it。我諗今日大家已經完全忘記咗謝霆鋒係點出道。我係俾人『噓』出道。你地唔記得咗啦？你地唔記得咗我16歲入行係一個掌聲都冇。咬實牙根唱埋個隻歌，每次落台我啲經理人企係側邊就咁忍住，一路喺度流眼淚，再一個自己行返落台，唔係一年，唔係一次。16，17，18，19，去到19尾（唱《非走不可》的時期)，我先開始得到你地第一個掌聲。But，that's life。你要堅持。你想唔想成功？你想。唔好淨係講你想，做你想。」被「噓」的那幾年正值是他17-18歲，1996-1998年，歌曲《壞習慣》「無聲仿有聲」的時期。而直至1999年，謝霆鋒憑着《非走不可》得到叱咤樂壇男歌手，勁歌金曲等大獎之後，才被報以肯定。霆鋒說起這番話時，仲有少少眼泛淚光添，唔知嗰時嘅經理人Mani又記唔記得呢？

除了唱歌初期不受認同被「噓」之外。霆鋒另一件被網民「噓」的事應該就是「威靈頓牛排」事件。（按此：http://bit.ly/2yuwVCC） 謝霆鋒更借機自嘲一下：「我哋第一次拍《十二道鋒味》嘅時候，又冇錢，又冇經驗。我地前一排都俾人攞返Beef Wellington（威靈頓牛排）嘅視頻出嚟笑。冇錢冇經驗，我都唔知原來大家只係準備咗一條牛里脊，切開之後導演先話：『喂唔夠靚，再嚟過。』『再嚟過？切咗啦喎。』anyways，咁咪學囉，唔緊要。」