謝霆鋒正式向各地大廚挑機 Gordon Ramsay應戰不是夢？
撰文：陳奕熙
出版：更新：
謝霆鋒的《鋒味》系列節目在內地收視不錯，自然長做長有，新一季又開始上馬喇！之前的《12道鋒味》走勻全世界，今次就改變玩法，轉為由霆鋒率領鋒廚團隊挑戰世界各地廚藝高手。
有傳鋒廚團隊將有8個成員，本着「高手在民間」的信念邀請素人廚神參賽，讓人將烹飪短片發到其Facebook，再從中挑選高手做選拔。霆鋒自己的Facebook亦有放上宣傳片，短短一句：「200百萬獎金等住你！」，暫時未講節目會以什麼形式進行，但獎金獎品似乎好吸引咁喎。
+6
不過記者就比較好奇，到底鋒廚團隊會同邊個大廚對壘呢？話說之前網上有條熱話，研究霆鋒的廚藝是否已經超越英國名廚Gordon Ramsay，機會嚟喇，飛雲！今次仲唔係分出勝負嘅機會，港版Gordon Ramsay對英版謝霆鋒，就用大家的「成名菜」威靈頓牛排（Beef Wellington）比高下，睇下邊個磨刀型啲，一定會是一場腥風血雨的比賽。