【使徒行者2】第二集又死幾件　好快超《同盟》成為今年死人劇

話說昨日第一集《使徒行者2》播出街，已經有五位主角級數人馬死去，洪永城和古明華，洪仔男主角就已經是常識吧，古明華拎過最佳男配角都絕對有能力做主角，連詩雅直頭是電影女主角，楊潮凱在TVB網劇《降魔的番外篇-首部曲》又係男主角，何雁詩雖然未做過女主角，不過以TVB力捧她的程度，如果唔係出咗件拍拖事件，應該都好快做到。所以今集死的五個人，絕對可以稱之為主角級，想不到一集就已經死晒，用堆主角級做配襯，TVB今次認真重本。

下面內容有少量劇透，逃生門在此。

你以為死五個就可以無事？那麼你就真的錯得太交關！根據消息，黎Sir（張兆輝飾）因為動悉有黑警想奪取臥底資料，已經一早寄語給卓Sir叫他小心（苗僑偉飾），不過最後仍然遭到一班歹徒拎住MP5圍剿，結果壯烈犧牲。張兆輝於2014年憑《恐怖在線》獲得兩個美國影展的最佳男主角殊榮，真真正正無綫的影帝級人馬（唔多架），估唔到上一套見佢的劇集《全職沒女》仲係男主角，今套出場兩集就要bye bye，好唔捨得。

死一個影帝級以為好把炮？未算，今晚這一集主要圍繞著歡喜哥，結果他兩大對頭人兼臥底聯絡員加埋老婆統統死清光，亦成為歡喜哥成魔之路作舖排。上集死五個，今集又死五個，兩集足足死了十個人，上一套公認死得人多的《同盟》都只係死了大約二十三個人，今次《使徒行者2》兩集就追到十個，看來好大機會取代《同盟》成為2017年最多人死的劇集。