【使徒行者2】三哥泰國飆車暴走 頭搖尾擺似足拍《頭文字D》
撰文：郭敏玲
出版：更新：
《使徒行者2》第一集終於出街，雖然內地早一個鐘首播，但亦無損本地網民睇劇的興趣，皆因第一輯《使徒行者》實在太深入民心，所以有前傳都要睇一睇。第一集就講到三哥到泰國，與一班臥底合力搜集泰國黑幫Pak-Key，即黃德斌的罪證，所以主要戲分都是圍繞幾個臥底，就好似有洪永城、首次拍劇的連詩雅、何雁詩、楊潮凱及古明華，同時星夢一哥周柏豪都出埋場。
之前都有報導過，呢幾個主角級人馬半集必須死，真係可以問鼎史上最快有人死劇集大獎。唔少網民睇住電視討論，意外地發現只得半集戲份的洪永城是最搶鏡，大讚他「呢半集真係做得好好」、「好多都係點到即止」、「唔知係咪得半集，反而做得自然咗。」另一方面，首次出現灰電視螢幕的連詩雅都是亮點，粉紅色頭髮雖然不似臥底，但Shiga一對長腿，觀眾都收晒貨。劇中有5個臥底，她亦算是最多鏡頭，更大show「竹昇港女英文」，不禁讓人想起她的名句「Rest In Piece」。
+8
不過5個臥底咁快死，對於三哥來說是挑戰。點解？三哥先同洪永城逃避周柏豪的追撃，在泰國上演一場《頭文字D》，沒有秋明山，三哥一樣可以「頭搖又尾擺，飄移境界」，最後成功撇甩飾演樂仔嘅周柏豪。之後返去秘密機地，以為任務已經完成，氣定神閒打電話畀上司報喜，點知突然其來的大爆炸，幾個手足版炸得粉身碎骨，這種心情真是又越過高山又越過谷！於是三哥第一集就要來個演技大爆發，當場崩潰痛哭，雖然有啲熟口熟面，但真係好考功夫㗎！