「御用傻仔」戴耀明內地做男一　劇組尊稱戴老師：有保姆車接送

眾所週知，無綫藝員人工偏低，即使你是一綫小生花旦，都和國內差十萬九千倍，如果是綠葉演員更加不用說，隨時得萬多元一個月，好像網民很喜愛的綠葉王戴耀明，無論排長或動L哥等角色，雖然戲份少，但就十分搶鏡，但入行25年，雖然穩守配角位，但要更上一層樓就不容易，在無綫冇機會，不過在大陸反而上位，戴耀明早前在國內拍了一套愛奇藝網絡電影《爆裂老婆三歲夫》，更飾演男主角，他接受《香港01》訪問時，說：「真係估唔到有做男主角嘅機會，自己知自己事，喺無綫多數做配角啦，可能有時得幾場戲，但明嘅，咁喺無綫未揾到飽飯食，就要出去諗下計啦，但冇無綫亦冇人識我戴耀明。」

戴耀明雖然有拍大陸劇，但仍是無綫藝員，現忙拍《果欄中的江湖大嫂》，他說：「我做一個角色都幾攪笑，講陳煒唔知點解跌咗條底褲，我就偷咗佢，仲攞嚟聞，哈哈」，在無綫依然要做諧星，但在國內他的位置高很多，尤其愛奇藝，除了電影當男主角，剛完成的網劇《大清神捕》《明朝刺客》都當配角，就連宣傳海報都排在中間位置，他說：「國內資金真係好多，亦好鍚啲演員，點會估到我都有保姆車接送，私人助手俾我？拍一組12個鐘有3至4萬人仔，有時拍幾個鐘都照收，根本上係我無綫兩個月人工，但唔係講客氣說話，冇TVB我冇呢啲揾銀錢會，因為佢哋演員、劇組都叫我戴老師，原來佢哋都係睇TVB劇大，因為咁先識我，所以我好多謝TVB。」