方力申自爆同前度旅行似偷情 鄧麗欣：幾難形容關係
撰文：何志衡
出版：更新：
鄧麗欣（Stephy)、陳凱琳、鄧月平、林耀聲及游學修參與網絡作家薛可正執導嘅新戲《起底組》，鄧麗欣同陳凱琳喺戲中飾演兩姊妹，鄧麗欣笑言第一次見陳凱琳就覺得自己需要減肥，否則自己睇落會好大份。
鄧麗欣今次再唔係飾演談情說愛嘅小女人，喺戲入面會扮演警察，調查一宗解款車失竊案，仲好可能係奸角添，不過劇情就唔方便透露咁多住。
而早前方力申喺ViuTV節目自爆同Stephy去旅遊似偷情，Stephy回應話：「好似啫，嚇死我！我冇睇（個節目）所以冇乜感覺；我哋而家係朋友囉！幾難形容。」然後話而家只想專注工作。
而陳凱琳係第一次拍電影，覺得跟拍電視劇好唔同：「我演一個拜金女，同以前角色好唔同。第一次拍戲好緊張，我哋有圍讀劇本都知大約係點嘅！」