【港姐2017】7號Juliette再成焦點　游生點名讚自信爆燈　

去完大安森林公園，一班港姐再去華山文創園區拍幾個shot，7號Juliette就後join，她一出現，似乎是眾多佳麗中狀態最好，件衫與別不同，而且都著得好好睇。這一回她又變了焦點，華山文創園區變了是她的伸展台，記者瘋狂地影，好似拍寫真，Juliette亦任影唔嬲。

由於她贏了潮流配搭環節，所以有得同游生單獨相處。她說：「好enjoy呀，過程入面都有不斷咁chit chat，講下比賽講下態度應該要點。佢覺得我應該要continue 去進步，最緊要個well being係要adjust得到。」Juliette 覺得游生好charm：「佢真係好好，份人好classy（有品味），畀咗好多advice我，佢講嘢好wise，係一個好聰明嘅man。」

Juliette 越來越有冠軍相，比起其他佳麗，她亦信心十足，後來她以最少英文，講了句金句：「有得贏，有邊個會想輸？」但其後又話：「雖然係咁，我都冇一定要拎the first place（冠軍），我嘅心態都係keep calm，做到最好就得。」唔知你哋又覺唔覺得Juliette會贏？