【港姐2017】台灣外景首日開戰　加藉Juliette揀開胸衫唔打底

12位港姐一落機就要開始接受訓練，晚上她們就去到台灣大安區一間服裝店，挑選心水衣服，接受潮流大師點評及指導。不少佳麗揀衫都比較保守，甚至可以話係平平無奇，最盡都係露下膊。

不過，海外佳麗雷莊𠒇Juliette就唔同喇，她揀了一件黑色通花連身裙，細心一望原來極其性感，問到有冇打底，她說：「冇呀，件衫嘅pattern都好穩陣（唔會覺得好尷尬？）唔會呀，其實我喺加拿大嗰邊都係咁，比較open-minded，而家feel到個culture有啲唔同，stylist都希望我show off其他嘢，好似legs呀，都睇到個body。」Juliette一心想做演員，她指這不是搏到盡，只是想Stay Grand又能夠Sexy。問到對自己身型咁自信會否與之前做過內衣模特兒有關，她說：「我之前做part time model都係想儲下profile。加上我都滿意自己body。」她強調是show off body，而不是sell body，極限當然不會露點，「最好就是不用露都可以imply nude，感受到sexy。」

至於一直話要減肥的Mandy，穿了一身tube dress，手臂明顯瘦了不少。Mandy說：「我唔知自己瘦咗幾多，冇磅，但係我都想再減多啲。」Mandy預告自己帶了兩套泳衣：「一套淡粉紅色，一套桃紅色，都係三點式啊，第一次係咁多人面前著泳衣都好緊張。阿媽都叫我唔好走光，要夾實著腳行。」