【任噏亂評】江美儀拍劇扮大家姐？ 前輩教新人做戲其實有咩問題
撰文：黃梓恒
出版：更新：
是非纏身是大部份藝人都會煩惱的事，日前有傳媒報導指江美儀同高層珍姐不咬弦，又在拍攝《誇世代》時指揮官上身，扮「大家姐」指導麥明詩和余德丞做戲，令到一眾後輩演員和戲組人員都十分害怕她。剛剛美儀姐就在Facebook上反擊，她說道：「好猛！真係好猛！未到七月開始有人時運低啦！我無同麥明思有同場喎……開工開到天昏地暗，一收工就返屋企，但竟然有人見到我留喺廠……教戲？真係堅猛！唔係講笑！有需要可以找我請李居明師傅攪攪佢！。」在Hashtag上還加上躺着也中槍這句字眼。
《香港01》透過電話找來美儀姐解話，她說：「（跟麥明詩）同場無對白，只係打個招呼。（俾人屈？）人在做天在看，我只管做好自己，其他人要做什麼我控制不了，只當笑話一則！Be Happy！（同珍姐唔妥？）珍姐有找我，叫我不必要為不實報導而上心！」《香港01》又找來麥明詩了解一下事情，她說：「我同江（江美儀）得兩場同場咋嘛，美儀姐都好照顧我地，大家都合作得好開心，大家都緊守崗位。（有無扮大牌教做戲？）佢ok呀，無咩嘢。」連當事時人都為美儀姐說好話，究竟誰真誰假大家可以自行作出判斷。
其實作為一名資深演員，指點一下後輩亦無可厚非，正如麥明詩所說，最緊要大家合作得開心。舉個例子，在足球世界美斯作為頭號巨星，難道他教一個18歲青年軍射波，或者同個新仔講「𡃁仔，你應該咁走位喎！」，難道就會變成該報導所說的負面「大家姐」「扮大佬」？當然江美儀未算美斯級數，但絕對是有經驗的前輩，提醒後輩絕對夠資格，其實是塞錢入你袋。
這種報導在想像力上是值得讚許的，也許在一些「食花生」的觀眾眼中也是一單爆聞，不過究竟內容是否真實？無人思考無人探究，大家就好像一種沒批判性的動物，該事件的本身原來並不重要，人云亦云就是最恐怖的事。