【誇世代】麥明詩再談七警案想堅守法治　網民讚夠Guts：擔當唔起

麥明詩(Louisa)今日現身台慶劇《誇世代》拜神儀式，她近日在Facebook上亦有對「七警案」一事發表個人看法，都引起唔少網民大讚佢有「guts」，麥明詩就話：「擔當唔起。」

她認為今次「七警案」對自己來說不是政治問題，而是基本法治原則，「我唔expect有咁大迴響，只不過係想留意多一點時事，同埋分享作為香港人同市民對身邊事情的好多睇法。」Louisa指自己非常尊重各界人士對事件的睇法，「可能自己讀法律，對法治特別想堅守。」

而昨日就有報導指麥明詩用交友apps識朋友，她笑言只是留意市場需求，「其實好多年青人都會玩，同樣都係年青人嘅我都唔需要咁封閉。」她直認未有在app s上結識到新朋友，「可能我用真相，大家會覺得係假唔同我講嘢。(林作好似都有玩，有無掃到佢？）apps會自動篩走facebook朋友，所以見唔到佢。」正所謂「騙局何其多」，麥明詩最後都呼籲大家要小心。