李家鼎係救命恩人　黃淑儀眉心中劍受傷：佢即刻抱起我上車

近期說起最受家庭主婦歡迎的節目，一定係李家鼎的《阿爺廚房》及黃淑儀的《吾淑吾食》。而一年一度的書展中，這兩位大師級主持更順勢出版飲食書，當中李家鼎（鼎爺）更是首次出書。他更表示今次出書的念頭是黃淑儀提出。

書展的簽書會場內，淑儀姐接受《香港01》訪問時說到他與李家鼎（鼎爺）的淵源時，原來李家鼎是她的大恩人：「可以咁講，係我恩人嚟㗎，佢救咗我3次。嗰時拍《書劍恩仇錄》佢係我師父，教我哋打武功同埋騎馬。第一次就係我拍戲時墜馬，佢救返我（拍攝時黃淑儀騎的馬因受驚嚇而飛奔了幾個山頭，黃淑儀中途跳馬，而李家鼎騎馬追上去把馬匹追回及救回黃淑儀）第二次就係我受咗傷， 把劍插左落我眉心度，佢就即刻抱起我上車，陪我去醫院。第三次就係我離婚好徬徨嗰時，佢嗰時同我講：『你有任何需要，可以來搵我，可以搬來我嗰度住』。」

鼎爺接受《香港01》時說：「都唔係話咩嘅，在場見到嘅時候就一定要幫。我同佢感情好好，好似兩兄妹咁。嗰時見到佢冇地方落腳，所以咪話叫佢過嚟一齊住。佢同我前妻感情又好好。」雖然如此，但鼎爺事後也沒有要求甚麼報告答。淑儀姐説：「我覺得佢好有義氣，好有江湖仔女嘅氣概。」

而鼎爺最近也將有私房菜的開張，問到淑儀姐會否去捧場時，她開心的説：「佢話會請我去食嘢㗎。（唔好食點先？）吓，我會講㗎，我都對佢有信心嘅。」而問到鼎爺會否與淑儀姐一起「煮返幾味」，他回答説：「呢樣野又未知，不過就一定會請佢食返餐。」