星夢傳奇｜潘靜文憶壓力爆煲崩潰爆喊 質疑自己：覺得冇存在價值
撰文：吳子生
出版：更新：
潘靜文（Sherman）今日（8/6）現身奧海城出席《TVB全城迎奧運》啟動禮。對於早前壓力爆煲，在社交平台上發圖留言哭訴，令人擔心不已，潘靜文在接受《香港01》訪問時說：「其實而家冇事，之前上半年真係過得唔係幾好，成日都會質疑自己，覺得自己冇存在價值。但當我Keep住陸陸續續有嘢做之後，跟住開始覺得個人存在價值高啲，個人就開始正面咗。但我都明白做呢行係好難長時間都可以Keep到個存在價值感，但我好感謝公司當知道我出咗嗰個Post之後，即刻搵我，佢哋係關心我，問我有咩事唔開心，完全係冇責怪我點解要post喊相。（當時有冇睇醫生？）我係有睇過一次，但我就覺得唔係幫得到我好多，咁所以之後就冇再睇。而家我冇事，個人好正面，大家唔使再擔心我。」