《中年好聲音》6月中開騷 支嚳儀挑戰極限台上跳唱：驚唱到喘氣
撰文：吳子生
出版：更新：
支嚳儀（Venus)今晚（5/6）現身尖沙咀出席電影《警長捉內鬼》首映禮。提到即將在6月22和23日晚於麥花臣場館舉行的《一班好聲音「十」力無限演唱會》，並集合了《中年好聲音》 中10位戰友周吉佩、李佳、羅啟豪、龍婷、顏志恆、吳大強、林鉫偉、丁文俊和魏嘉信開騷，Venus受訪時心情興奮，表示：「我收到5至6首歌要唱，仲要跳埋，變咗我而家要集中練氣，因為要練到跳嘅時候都要唱到。始終我覺得要跳到嘅時候又要唱到，個呼吸好唔同，因為係要識得點樣去運氣，而家唯有趕緊鍛煉，一路跑就一路唱，唔好畀佢停，係驚到時唱到喘氣啫。」