第89屆奧斯卡頒獎典禮曲終人散，係你嘅始終係你，唔係你嘅，就算上到台都一樣可以唔係你。相比台上擺的烏龍，台下紅毯上的「時裝車禍」同樣為人津津樂道，例如……
Ruth Negga︰可謂lace和sheer的epic fail，將其扁平的身材表露無遺；加上令人大失所望的眼妝和老氣頭飾，十足中國殭屍新娘一樣，艷麗不足、恐怖有餘。（Getty Images） Leslie Mann︰難得在沒有童話的年代，Leslie Mann依然相信美女與野獸的故事。想cos Belle卻有心無力，披頭散髮令人覺得累贅之餘，更令total look顯得扁平，在荷里活撈有咩咁攰？難道剛在家試完衫就趕到會場？（Getty Images） Janelle Monáe︰裙襬太大、太busy，加上雙手執裙的動作，令Janelle Monáe變得像紗罩一樣，點睇你都唔似隔夜飯吧？加埋頸部的choker太heavy，即刻變身成音樂盒上的窒息公仔，吃力不討好。（Getty Images） Scarlett Johansson︰女神也有失手時，Scarlett Johansson的導彈身材被埋沒了之餘，以重身rock belt配襯輕紗，九唔搭八，rock belt仙子係咩玩法？（Getty Images） Dakota Johnson︰額高就唔好梳起，唔講仲以為係剛剛夾起頭髮洗完臉。性感尤物忽然變成穿着metallic apron的皇太后，老積、冇品味，分分鐘成為格雷的第51道陰影。（Getty Images） Mica Levi︰作曲家Mica Levi一向喜歡作中性打扮，但着行山鞋行上紅地氈，係有心、定無意？外套太長，長褲又太baggy，加上tone on tone的行山鞋，眼見已經矮咗20cm，你要咁casual地impress我係你嘅事，但我就睇到好戥你心驚囉。（Getty Images）