【集體回憶】大窩口56年茶記結業　老闆感嘆：讓位了

屹立大窩口56年集興茶餐廳定於2018年1月21日結業，人稱「大哥」的老闆感嘆，是社會的淘汰，亦希望藉機會好好休息，街坊對於少了充滿人情味的回憶感到可惜，亦希望年近80歲的大哥身體健康。

開業56年的集興茶餐廳，
與舊麵包店、玩具店及雜貨店等舊店舖
於大窩口邨商場營業。

而距離茶餐廳僅30秒路程外，
已是重新裝修、並於今年1月中旬開業的新街市。
時代巨輪席捲商場小店。

店中的一檯一凳、地板上的綠、白色小地磚，
都是原汁原味的80年代產物，
多年來並無改變。

走進集興，
就如回到那個《風繼續吹》的年代，
只是門口掛著的月曆提醒著我們，
現在是2018年。

【睇片】大埔廣福邨手造魚肉燒賣佬回歸 老闆：做出嚟個個咁捧場就開心

茶餐廳內的食客大多都已上了年紀，
老闆「大哥」表示，
絕大部分都是熟客，
「個個都幫襯咗十幾年。」，
雖然年紀大，記性會變差，
但熟客的樣子，
大哥卻忘不掉。

「走嗱？今朝有冇去飲茶？」
「阿陳，呢排點解冇嚟？」
「我認得你，我同你爸爸以前好好朋友。」
大哥與食客，總是談得起勁。

大哥數十年前開店，
靠茶餐廳養大五名子女。
作為街坊生意，
大哥亦不視金錢為首位，
自己和伙計從不「趕客」，
客人進餐後想坐多久就坐多久，
笑言「咁做點會唔執，
不過人情味緊要過錢」。

匆匆數十年過去，
由當年位於「七重天」地下的店舖，
至大窩口邨現址，
大哥只在大時大節才稍事休息，
其他日子均親力親為落舖打點。

在茶餐廳的日子值得回味，
但大哥自言年事已高，
漸漸覺得力不從心，
「想抖下，去下旅行」。

【睇片】荃灣茶餐廳廿萬飯劵贈優異生 老闆：見到佢哋開心我更開心

早前領展將大窩口邨商場出售，
大哥得知此消息，
身心俱疲加上租約期滿，
心中已經有了引退的打算。

「附近街市啲舖以前幾千蚊租，
而家郁啲都過萬，
我哋被大幅加租在所難免。」
本來領展酌情讓大哥營業至農曆年，
但由於趕不及還原舖位，
只好忍痛提早結業。

大哥最捨不得的，
是餐廳由綠、白色小地磚舖成的地板，
指它們數十年來都沒有損壞，
直言以前的師傅手工很好，
「現在冇人識整呢種地板喇，鑿咗好可惜。」

街坊陳小姐表示，
「大哥由細睇到我哋大，
我同爸爸飲茶，
大哥專登攞幾百蚊畀我爸爸買嘢食，
你話呢啲人情味邊度搵？」
直言大哥是放不下街坊，
才一直經營茶餐廳。

員工：不會忘記老闆恩情

在水吧工作的阿倫，
指自己在外打工人工一定更高，
不過仍然願意留在集興，
「老闆在我困難時借錢幫助過我，
我不會忘記他的恩情，
每日由上水到大窩口返工我都沒問題。」

我打咗2、30年工，大哥係我遇過最好嘅老闆。

【睇片】筲箕灣麵包小店日做17小時 $2.5菠蘿雞尾造福街坊

另一位街坊Wyman則指出，
集興的人情味是其他茶餐廳所比不上，
「這裡的伙計有笑容，更重要的是，
我同朋友坐一頭半個鐘都冇人趕。」
而自小在大窩口村長大的Yoyo表示，
現時茶餐廳過於商業化刻意賣弄懷舊，
而真正的舊式店舖卻被時代淘汰。

對大哥而言，
餐廳結業更像是讓位，
「係社會嘅淘汰，叫做讓位啦，
香港地人才輩出！」

大哥對此看得很開，
雖然數十年感情總會捨不得，
但不覺得可惜，
「我都做咗幾十年，係時候休息，
多謝咁多位街坊，
有時間大家就見下面啦！」

「香港地人才輩出，呢間餐廳的任務已經完成。」