大埔兩餸飯｜三四十蚊飯盒有鮑魚食大驚喜！每盒得兩粒都覺好滿足

有網民在社交平台上分享在大埔一間兩餸飯店見到有鮑魚仔，雖然每盒得兩粒，都覺得好滿足。兩餸飯有鮑魚吃，此消息被轉載至討論區，部分網民覺得兩餸飯進展到食鮑魚咁富貴；部分網民卻隨即指鮑魚仔價值根本不高！

以「嘩！兩餸飯已經進化到有貴價鮑魚做餸！！！」為題，網民展開討論。

兩餸飯進化到有鮑魚「呢啲好平咋喎」

不少人反駁︰「鮑魚本身唔值錢，大連鮑街市買差唔多10蚊隻，呢啲好平咋喎，乜鮑都貴價咩？鮑魚好粗生，可以人工養殖，鮮鮑早就唔值錢，返大陸大型超市睇，兩三蚊人仔一隻咋。去街市（香港）睇，生勾勾8-10隻都係50蚊。呢啲鮑魚仔好！平」云云。

網民留言評語▼▼

$30/個、$40/個兩餸飯有鮑魚仔可揀看來非常豐富，事件亦引起了一些網民關注，記者遂向香港海鮮業聯合總會主席李彩華查詢，鮑魚的海鮮批發價一般是多少？價值不貴的鮑魚仔是甚麼品種？

李彩華主席解釋，圖片所見應是大連鮑種，兩餸飯送鮑魚是綽頭。坊間有批發魚欄將近死的反肚鮑魚出售，價格很平，HK$30多有交易（數量沒具體指出），至於平價餐館中，可供應給消費者選購的，價值可能更平。見圖的鮑魚估計約12頭1斤，成本不超過HK$3一隻，猜想餐館大有利潤。