香港仔南記粉麵爽第一次推出芫荽撈米線，芫荽「可口可樂」，另外有秘製芫荽胡麻醬炸蝦片、芫荽蓉湯底米線，芫荽控應該會相當興奮。

芫荽令人又愛又恨，鍾意芫荽的人，可以期待一下香港仔南記粉麵，今夏出場的芫荽主題菜，先來「芫荽撈米線套餐」，用芫荽胡麻醬做底，啖啖米線夾芫荽醬胡麻醬，芫荽味最濃！配料有炸蝦片、爽豬肉、木耳，套餐還配上芫荽「可口可樂」，可樂上加幾塊芫荽，篤入杯先有「荽味」呀！

如果不喜撈米線，有「芫荽蓉湯底米線」，有鮮甜芫荽湯、爽彈芫荽丸、最佳拍檔皮蛋之外，更新加入惹味爽豬肉，記得呷啖芫荽湯清熱又下火。

輕食都有選擇，有開胃涼拌菜「炸墨魚丸拼青瓜」，炸墨魚丸金黃酥脆，配爽脆青瓜，加秘製芫荽胡麻醬相得益彰。不過，記者覺得芫荽胡麻醬相蘸蝦片更吸引，「芫荽胡麻醬炸蝦片」，單點價只是$16，蝦片脆、芫荽香！

*全線分店供應