IKEA黑刺榴槤雪糕回歸！暫得1間分店有賣　網民超驚喜：機會嚟喇

【IKEA】IKEA早前曾推出一系列限定榴槤雪糕，引得一班榴槤控欲罷不能，自推廣完結後仍甚有不少網民念念不忘！然而，最近IKEA黑刺榴槤雪糕就靜悄悄回歸，D200黑刺榴槤肉再度重出「江湖」，暫時得一間分店有售，即看價錢及地點詳情！

IKEA黑刺榴槤雪糕回歸！暫得1間分店有賣　網民超驚喜：機會嚟喇

最近有網民於Facebook群組「香港榴槤關注組」發帖，稱發現荃灣IKEA黑刺榴槤雪糕突然悄悄回歸，而且附上一張於IKEA購買的黑刺榴槤新地相片，足足有2大球榴槤肉，極其邪惡，不禁令人垂涎三尺！

👉👉👉好食玩飛Instagram官方帳號開咗啦！請Follow我哋：https://bit.ly/38tlS4l

記者中午時段（9日）前往荃灣IKEA分店時，已見IKEA甜品站的餐牌上，新增了多款D200黑刺榴槤系列的雪糕，分別有D200黑刺榴槤燕麥奶新地筒（$19）、特濃D200黑刺榴槤燕麥奶新地（$39）、特濃黑刺榴槤新地連2份榴槤肉（$62）等，最多可以點4份榴槤肉（$108），而售價則維持原來的推廣價錢。

消息一出不少網民大感驚喜，並紛紛指「竟然出翻嚟」、「一定要去食」、「機會嚟喇」。但都有網民認為，該榴槤雪糕的售價略貴，直言「買成個榴連好過」，但都有人指「如果係真黑刺，價錢都算正常」。

目前榴槤雪糕於荃灣分店有售，至於沙田、九龍灣、銅鑼灣等分店，網民則稱未見到該雪糕選項，各位榴槤控不妨留意吓！

IKEA D200黑刺榴槤燕麥奶系列雪糕 詳情

推廣日期：即日起
推廣地點：暫時荃灣分店有售
售價：$19起