柳俊江家中塞渠搵「渠王」疑中伏　報價似炒必理痛：$750變$7,500

家中渠口一旦堵塞，就有需要尋找「渠王」協助！而前TVB新聞主播柳俊江早前就疑「中伏」，稱經網上尋找「渠王」通渠，報價猶如「炒緊必理痛」，僅半小時內收費由$750急升至$7,500，更著他現場還價，大批網民得悉事件後留言表示曾經中招，用高昂價格通渠！

柳俊江家中塞渠搵「渠王」疑中伏　報價似炒必理痛：$750變$7,500

柳俊江早前（3日）於其Facebook專頁以「渠王初體驗」為題發文分享，指家中廚房渠喉堵塞，洗衣機水倒流，以致水灑遍地。有見及此，他於Google搜尋器中隨機尋得一名「渠王」上門檢查。「佢拖2個喼上嚟，用部機震幾下，話唔得，要升級，再攞條wire（金屬絲）通落去，話通咗2米都唔得，要再升級，今次要喺個百寶喼攞2部機出嚟搞。」

然而經過短短半小時，「渠王」報價由$750升至$1,500，及後再升至$7,500。柳俊江稱：「我覺得伏伏哋，話都係唔使喇，我諗其他辦法」，打算婉拒對方提供通渠服務，唯「渠王」著他即場還價，基於事有蹺蹊，最終僅支付$1,500打圓場。「我唔係話佢唔啱，只係我直覺件事有啲伏，有啲似炒緊必理痛咁。敢問各位，通渠係咪就係咁嘅呢？」

事件隨即引來大批網民關注。有不少網民均指自己都曾經中招，更懷疑是否同一人所為，湯師傅呂師傅嘛，出晒名啦，你上網搵通渠九成都係呢兩條X樣」、「我用過呢間呀，一樣台詞」、「我俾佢地呃咗$3500 ，又係呂師傅，拎部機震幾下之後又再塞過」，直斥是不少通渠師傅的騙錢手法。

👉👉👉好食玩飛Instagram官方帳號開咗喇！請Follow我哋：https://bit.ly/38tlS4l

有網民則分享，尋找「渠王」通渠收費貴，且有機會遭遇「海鮮價」，建議可以自行於淘寶購入「通渠神器」解決渠口堵塞問題；亦有網民認為可嘗試以「廁所泵」泵下作為急救方法。不過各個通渠情況不一，建議可以先諮詢有經驗或專業人士，並且多加比較。

柳俊江Facebook原文：