文具佬喺死場開17,000呎旗艦店！3大原因解畫 網民：揀呢度好勇敢

文具佬生活百貨宣布開設大型旗艦店，店舖面積足足有17,000呎，消息令不少人感到驚喜，同時都引來大批網民擔心！皆因旗艦店選址一個連居民都未必會前往的「死場」商場，有網民甚至直言「真係等執」，不過店方最新就發文，以近千字解畫選擇「死場」全因3大原因！

文具佬死場開17,000呎旗艦店！3大原因解畫 網民：揀呢度好勇敢

相信平時有買開平價文具或生活家品的，對主打生活百貨的文具佬都不陌生。除了經常會為港人搜刮各款本地製造口罩外，更會提供各類日韓生活雜貨，不時更會做開倉減價，平價產品一應俱全，因而甚受歡迎！文具佬日前（13日）就突發宣布，將進駐商場開設17,000呎的大型旗艦店，面積拍得住大型超市，並已於15日開始正式試業，引來不少網民關注。

從相片中可見，該旗艦店除了寬敝開揚之外，店內光線非常光猛，而且一個個貨架排列工整，門口位置更設有一排可滾動的矮閘，與平時鬧市所見的文具佬可謂是截然不同，更指「一站式文具、精品、玩具、家品、超市、雜貨應有盡有」。店方開首未有公開店舖地址，不過有眼利網民就發現，該店位置為馬鞍山「We Go Mall」商場，因而引發討論。

開新店理應是開心事，不過網民就似乎對新店落戶「We Go Mall」倍感擔心。有居住在馬鞍山的網民表示，「我住隔離都有啲擔心你維唔維到本，真係人流極少的」、「住馬鞍山，但呢個場1年都未必去1次」、「我住馬鞍山十年都唔去果度一次」；都有網民坦言「真係等執呀」。雖然如此，不過大部分網民均表示，會盡量支持新店及前往光顧。

對於大批網民的憂慮，文具佬旗艦店試業後翌日就現身解畫，透過Facebook發文並寫下近千字回應網民。貼文表示，「大家一致覺得我哋勇字行頭，最後應該輸住走」，但亦希望向大家分享開設該旗艦店的心路歷程，同時解釋選擇於「We Go Mall」開店的3大原因。

文具佬表示，落戶「We Go Mall」開設旗艦店是得到商場邀請。「當日收到邀請，我哋都覺得麻麻地，同大家講嘅一樣個場人流偏少，餐廳嘢食又唔好食（我哋長老住馬鞍山，成日都去呢個商場，特別是佢上面間親子餐廳），我哋係靠大量流水客嘅平價舖頭，肯定做唔住。」

惟與業主開會時，感到對方誠意十足，並希望文具佬可以於馬鞍山打造一間商場旗艦店，共同創造口碑，「商場好欣賞我哋產品夠多元化，價錢又夠貼地，想我哋為We Go Mall注入新元素，而大家又可以行得舒舒服服買到平嘢」。

其次，文具佬指每次新鋪開張都見到不少馬鞍山之友「許願」。至於第3個原因，則是因為「以往根本冇商場肯租俾我哋，唔係嫌棄我哋個名，就嫌棄我哋平，再唔係就嫌棄我哋亂」，因此希望超越以前，正式入駐商場。

文具佬於文內慨嘆：「從來做生意都唔容易亦有風險，由網店小魔怪變到而家第11間馬鞍山旗艦店，一路走嚟，有血有汗。我哋同一開始創業嘅時候一樣，保持初心，面對難關，永遠都係堅持，然後再努力。」大家若經過不妨留意一下！