網民嚴選10大火鍋配料惹爭議！雞子上榜響鈴竟冇份、午餐肉得第六

天氣開始凍，又是時候打邊爐。最近有網民於LIHKG討論區內，嚴選10大好食火鍋配料，其中雞子上榜、午餐肉得第六，引起好大爭議，有人認同，亦有人認為應該稱之為「劣食排行榜」。

網民嚴選10大好食火鍋配料 雞子上榜、午餐肉得第六 結果惹爭議

最近於LIHKG討論區內，有網民以「嚴選10大火鍋好食配料」為題目發起討論，引起網民熱議。其中獲得第10位為豬腰，樓主指「靚既豬腰冇壓味之餘又夠爽彈，而且仲含豐富蛋白質，有補腎之用」，但卻引來超過500個負評。

第9位則是有人喜愛有人嫌的雞子，樓主形容「表面上平平無奇一粒雞子，實際內有乾坤」、「食落回味無窮且充滿浪漫。每次食首先要用個咀仔溫柔咁吹暖佢」，同樣引起近300個負評，對比只有不到50個網民正評，似乎不算多人認同此結果。

同樣廣受爭議的還有午餐肉，則排在榜單第6位，樓主描述「（打邊爐）可以話係午餐肉其中一個最正既食法，索哂湯汁又淋又入味」，但同樣引來逾150個負評，比正評網民多出3倍有多，但有網民回覆指「午餐肉打邊爐世一」，網民們似乎未能取得共識。

名列第3位的蘿蔔則是今次榜單中，唯一上榜的蔬菜類。樓主自稱實至名歸，皆因夠百搭：「不論沙嗲、麻辣、芫荽、豬骨（湯底），佢都可以完美融入。」更傳授小秘訣，可以在打邊爐初期落定入鍋，到尾聲時再享用，蘿蔔便會吸收整個湯底的鮮味及精華，這項結果獲得逾100人正評。

第2位則是粉絲，被樓主譽為公仔麵及烏冬外「最塞肚又好食既新勢力」，掛湯能力甚高，卻又不會太飽肚，同樣給出小秘訣，「其實粉絲落30秒就食得，如果唔係好易爛」，然而認同人數驟降，只有不到20人正評，卻有近60人負評。

在這個充滿爭議的榜單之中，獲得第1位的是田雞。樓主似乎都預想到爭議頗大，因此開頭第一句就話：「唔好X住先，你有冇真係食過又肥又甜既田雞肉先？」將田雞形容為「火鍋界最新鮮既配料」，因為多數即劏，而且處理過程考師傅刀功，「上碟時仲見到田雞肉識郁你就知今餐有口福」，引來逾160人負評。

然而有不少網民為田雞護航，留言話：「其實中國人食田雞好閒，係外國傻X先覺得gross（噁心）」、「之前去一鍋堂成日食......正到仆X」。

這個第一位是否實至名歸呢？有網民就話：「第一一定係響鈴，因為田雞你都仲可以用嚟煲粥，但係響鈴除咗打邊爐真係唔會食」，不少網民都列出自己心中的第1位，甚至話這份榜單應該稱之為「劣食排行榜」。不過打邊爐好食配料見仁見智，大家心中又有屬於自己的好食火鍋配料榜單嗎？

網民嚴選10大好食火鍋配料

10. 豬腰
9. 雞子
8. 雞腸
7. 黑柏葉
6. 午餐肉
5. 胸口撈
4. 手打牛丸
3. 蘿蔔
2. 粉絲
1. 田雞

編輯部見到這個名單，各自都有自己的小意見，因此列出一個《好食玩飛》編輯部嚴選10大火鍋配料，大家又是否認同呢？

1. 芋絲
2. 薯粉
3. 燒賣
4. 水餃
5. 娃娃菜
6. 仿蟹柳
7. 獅子狗
8. 魚腐
9. 蟹柳
10. 萵筍