買DONKI牛肉粒零食驚見活蟲 白色肥美狂蠕動 網民:食咗幾粒先發現

牛肉粒零食驚見活蟲！最近有網民於DONKI購買一款牛肉粒零食，結果竟然連開2粒都有活蟲，呼籲大家小心，結果不少網民都有買同款零食，表示相當崩潰；亦有眼利網民發產品資訊相當特別！

DONKI買牛肉粒零食驚見活蟲 白色肥美狂蠕動 網民:食咗幾粒先發現

好食玩飛Instagram官方帳號開咗喇！請Follow我哋：https://bit.ly/38tlS4l

食零食時，發現食物上出現活生生的肥蟲蠕動，陰影面積可以有幾大？最近有網民於Facebook群組「將軍澳主場」，分享了一段可怕影片，指自己上個月於日本知名連鎖店DONKI 尖沙咀分店，購買了一盒獨立包裝牛肉粒零食，結果最近太太打開後驚見活蟲蠕動，網民隨即崩潰指：「我仲要食左幾粒……先發現」，當下即時再開一粒查看，結果發現同樣有蟲。

只見影片有一條白色肥蟲，從牛肉粒中穿出，非常有活力地蠕動著。網民指自己見狀即刻「成盒唔敢再食」，但單據又早已棄置，因此亦放棄退貨念頭，但呼籲其他人有購買的人要留意！

事件引起大批網民留言關注，不少有購買同款零食的網民都相當擔心，紛紛留言指：「平時食都無睇，而家真係有陰影」、「而家好鬼驚」，連樓主都無奈回應有心理陰影：「覺得食道有啲唔舒服，見到兩條蟲爬爬下（吓）」。

除此之外，亦有網民眼利網民發產品資訊相當特別，雖然使用了日本地址、但卻留下了香港電話及雅虎電郵，但又標明中國製造，有網民就感嘆，現時買食物需要看清產地來源，不要因包裝寫日文又便宜就買：「好多時平嘢冇好㗎！」

記者就事件向DONKI作出查詢，DONKI於截稿前作出回應，指相關產品已於各分店下架，目前正就產品問題與供應商作出聯繫，對於再追問「購買相關產品的顧客會否作出退款處理？」問題，截稿前則尚未有回應。