買二手梳化問尺寸賣家叫自己估 港男被爆粗罵乞衣 神回覆網民讚好

近年有不少人或有購買二手傢俬或商品經驗，早前有網民分享於網購拍賣平台看中一張二手梳化，惟向賣家詢問尺寸時，竟獲回覆「自己估」，甚至問買家「係咪乞衣」兼爆粗，引起網民熱議。不過有關梳化近日被發現已售出，有人笑言「係咪估中咗」，事件甚為騎呢！

買二手梳化問尺寸賣家叫自己估 港男被爆粗罵乞衣 神回覆網民讚好

最近一名男網民在社交平台Facebook的Carousell關注群組發帖，指早前於網上拍賣平台Carousell看中一張標價為$100的二手「細梳化」，商品貼文標示該杏色布梳化「狀況良好」，買家可以於荃灣自行取貨。

於是事主透過該平台以文宇訊息聯絡賣家，並禮貌地詢問梳化的尺寸，誰料獲對方回覆「自己估」，事主對賣家態度甚為不解，因而再追問「估中咗係咪可以免費？」，賣家卻口出惡言：「估中都唔係免費，不過畀乞衣就免費，你係咪？你係，一陣後自取呀，傻X」，態度非常惡劣。

👉👉👉好食玩飛Instagram官方帳號開咗啦！請Follow我哋：https://bit.ly/38tlS4l

事主面對賣家出言不遜，態度仍保持大方，續揶揄賣家指：「唔使喇，留番畀你啲孫啦，佢哋將來都有個竇乞食。」事後他將對話截圖分享至社交平台群組，指「而家連賣家都跳跳地（哋）」及後更以間尺量度該梳化的網上圖片，笑言估計可以「坐到2支益力多」，認為賣家純粹想「搵人發洩」。

由於賣家與事主的對話內容頗為「騎呢」，事件隨即引來大批網民討論，有不少網民大讚事主回應大方且高質，又指「神回令我笑左幾秒」；有人直言賣家態度有問題，認為詢問尺寸甚為正常，對此表示無法理解；都又有人笑言「依家啲人壓力真係好大」。

不過，早前就有網民發現該張二手梳化已售出，笑指「佢賣咗喇，呢個買家應該估中咗size（尺寸）」，根據賣家貼文顯示，該梳化買家留下「5粒星」好評，指賣家自取安排有彈性，大讚賣家待人友善。對此事主回應道：「可能個買家係擺喺花園，唔使知尺寸」，事件離奇程度不禁令人發笑，大家又曾否遭遇過哪些騎呢網購交易呢？