IKEA榴槤新地10月回歸！同步推10款新品　抹茶紅豆雪糕/竹炭熱狗

【IKEA甜品站】IEKA在6月推出榴槤甜品系列後獲得超大迴響，來到10月，IKEA榴槤新地連同大大啖果蓉再回歸，更同步推出10款新品，包括抹茶紅豆新地系列及全新口味薯塊，最平$6就食到！

IKEA榴槤新地10月回歸！同步推10款新品　抹茶紅豆雪糕/竹炭熱狗

榴槤新地系列回歸！加錢增量食多份榴槤蓉

千呼萬應再回歸的榴槤新地系列，今次迎來老樹XO榴槤燕麥奶新地筒，採用燕麥奶雪糕，定價$13。榴蓮控想一次過食多幾啖榴槤，則可選特濃老樹XO榴槤燕麥奶新地，杯裝雪糕上加上厚重榴槤蓉，嫌未夠後可以再加$13，再追加多份榴槤蓉。

抹茶甜品系列再度登場

另一款大熱甜品系列「抹茶甜品系列」亦回歸，經典特濃抹茶新地筒，茶味突出回甘；朱古力脆皮特濃抹茶新地，朱古力控必試；宇治金時新地配鯛魚燒則是抵食兼飽肚，一次過滿足兩個選擇，最平$6就食到。另外還有全新小事迷你煙肉薯塊，$13/4件，有興趣亦可一試。

萬聖節限定！3款得意新品現身

踏入萬聖月，IKEA亦推出3款得意新品應應節，包括萬聖節綠咒指雙蟲乳酪，售$18；珍寶芝士雞肉醬竹炭熱狗，售$16；珍寶芝士雞肉醬竹炭熱狗配汽水，售$20，全部設計都相當詭異黑暗，應節一流！

10月4日玉桂卷日 推限定優惠

10 月 4 日是瑞典的「玉桂卷日」，作為瑞典品牌，IKEA亦再加碼推出全新優惠，限定口味的黑朱古力醬、花生醬及花生碎玉桂卷將於全線IKEA美食站快閃開賣， 10月1日至14 日期間能以優惠價$29（原價$36）購買急凍玉桂卷，將玉桂卷滋味帶回家享用。

銅鑼灣分店 銅鑼灣柏寧酒店地庫
設有瑞典美食廊及美食站

九龍灣分店 九龍灣 MegaBox L4
設有 IKEA 餐廳、瑞典美食廊及美食站

沙田分店 沙田 HomeSquare L6
設有 IKEA 餐廳、瑞典美食廊及美食站

荃灣分店 荃灣青山公路 388 號 8 咪半 3 樓
設有 IKEA 餐廳、瑞典美食廊及美食站

大埔規劃及訂購中心 新界大埔超級城 B 區 2 樓 238A號舖
設有瑞典美食廊

尖沙咀規劃及訂購中心 尖沙咀河內道 18 號 K11 ArtMall 地庫 2 樓中庭 B204 - B210
設有瑞典美食廊及美食站

澳門分店 澳門氹仔廣東大馬路星皓廣場 1樓及2樓
設有IKEA咖啡室及瑞典美食廊