Five Guys九龍塘分店開幕！必學Five Guys點餐流程+配料中英對照
【Five Guys Menu】Five Guys九龍塘分店開幕！作為國際都會，香港有不少餐廳都需要用英文點餐，但即使如此，仍然有不少人在英文點餐關頭被難到。之前好食玩飛記者帶大家走出Subway叫餐的困境，今日就讓我們再度出發，一文看清Five Guys落單流程及配料名稱，大家可以參考看看。
想了解Subway點配料中英對照及落單流程，可留意以下連結：
Five Guys點餐流程+配料中英對照！輕鬆學Five Guys英文點餐攻略
好食玩飛Instagram官方帳號開咗喇！請Follow我哋：https://bit.ly/38tlS4l
繼Subway之後，最近就有網民於連登討論區發問「有冇人因為唔識英文而唔食Five guys」，大呻店員全英對話令他完全無法理解，最後尷尬呆企一輪後無奈敗走；有網民就再度教樓主使出「This, this, this」秘技，但樓主就無奈指上次經歷令他已經不敢再試！不過都有網民指，部份店內其實會有識講中文員工，不必過於擔心。
雖然話有講中文員工，但萬一如同樓主一般，遇到只講的英文工作人員，適逢九龍塘分店即將開幕，睇完今篇教學全文，起碼不用望住店員口啞啞！
地址：地址:九龍塘達之路 80 號又一城 L2 43-45 號舖
開幕日期：2022年12月12日
一文睇晒Five Guy中英點餐流程+配料！
面對英文Menu都唔洗口疾疾
Five Guys選擇繁多，但所有主食及飲品都只有單點，當中麵包種類可分3類，包括漢堡、熱狗及三文治，另外需要再另外揀選配料；就連薯條都有兩款選擇；而飲料方面亦細分作飲品及奶昔，想順利完成一系列點餐程序，點選到自己心水食品，就要跟足以下指示喇！
Five GuyMenu落單懶人包
【第1步】點選喜愛麵包種類
【1】Five Guys漢堡包選項8款漢堡包選項包括漢堡（Hamburger）、芝士漢堡（Cheeseburger）、煙肉漢堡（Bacon Burger）、煙肉芝士漢堡（Bacon Cheeseburger）、單層漢堡（Little Hamburger）、單層芝士漢堡（Little Cheeseburger）、單層煙肉漢堡（Little Bacon burger）、單層煙肉芝士漢堡（Little Bacon Cheeseburger）【2】Five Guys熱狗選項
4款熱狗選項包括熱狗（Hot Dog）、芝士熱狗（Cheese Dog）、煙肉熱狗（Bacon Dog）、煙肉芝士熱狗（Bacon Cheese Dog）
【3】Five Guys三文治選項
4款三文治包括蔬菜三文治（Veggie Sandwich）、芝士蔬菜三文治（Cheese Veggie Sandwich）、烤芝士（Grilled Cheese）、BLT三文治（BLT）
*有些人可能只想要餡，但不想要麵包皮，亦可以告知店員：「Bunless pls！」
Menu落單懶人包【第2步】選擇配料
Five Guy所有配料全部都可以免費揀選，如果想自己配搭喜愛口味，就可以另外選擇配料！款式包括：蛋黃醬（Mayo）、生菜（Lettuce）、醃青瓜（Pickles）、蕃茄（Tomatoes）、烤洋蔥（Grilled Onions）、烤蘑菇（Grilled Mushrooms）、茄汁（Ketchup）、芥末醬（Mustard）、酸瓜醬（Relish）、洋蔥（Onions）、墨西哥辣椒（Jalapeno Peppers）、青椒（Green Peppers）、A1牛扒醬（A.1. Sauce）、燒烤醬（Bar-B-Que Sauce）、辣醬（Hot Sauce）。
不想思考配搭，可以講句「All The Way」！
*如果不想自己配搭，可以向店員說：「All The Way」，就可以毫不費力地獲得Five Guys官方配搭。
官方配搭配料為：蛋黃醬（Mayo）、生菜（Lettuce）、醃青瓜（Pickles）、蕃茄（Tomatoes）、烤洋蔥（Grilled Onions）、烤蘑菇（Grilled Mushrooms）、茄汁（Ketchup）、芥末醬（Mustard）
Menu落單懶人包【第3步】加配薯條
之後到加配薯條，薯條有兩款選擇，口味包括Five Guys 經典滋味薯條（Five Guys Style）及CAJUN 辣香料薯條（Cajun Style），只要選擇自己心水口味即可。
Menu落單懶人包【第4步】加配飲品
飲品方面有可口可樂（Regular）、礦泉水（Bonaqua Bottled Water）、百威啤酒（Budweiser）、科羅娜啤酒（ Corona Extra）、藍妹啤酒（Blue Girl）；
另外亦有多款特色奶昔，口味包括煙肉（Bacon）、香蕉（Bananas）、士多啤梨（Strawberries）、朱古力（Chocolate）、OREO曲奇（OREO Cookie Pieces）、花生醬（Peanut Butter）、鹽味焦糖（Salted Caramel）、雲呢拿（Vanilla）
Five Guys致敏原指南｜中英對照表格
除此之外，Five Guys亦貼心提供致敏源指南，上面清楚列名每款食材所使用的配料及調味用品，當中哪些食品不適合過敏原患者食用，全部都有詳細解說，如果有需要可對照以下中英圖片告知店員，避免誤食！
經過解說，相信大家從今日開始，去Five Guys時也可以如同Subway一般放心點餐喇！