山頂連鎖壽司店負評如潮！網民轟不如唔好做：「10樣有8樣賣晒」

山頂一間連鎖壽司店，主打高CP值以吸引食客，不過開業以來議論紛紛，縱使有忠實粉絲大讚，但同時亦獲不少負面評價，曾被狠批「垃圾嚟，唔會再去」，最近更有網民轟其貨量嚴重不足，怒斥應結業！

山頂連鎖壽司店負評如潮！網民轟不如唔好做：「10樣有8樣賣晒」

最近有網民於社交媒體Facebook群組「香港壽司刺身關注組」內，發文批評一間位於山頂的連鎖壽司店，指「山頂壽司店，先唔好討論好唔好食，10樣有8樣sold out，連蛋壽司，赤身都冇，不如唔好做喇！」

好多網民有共鳴，留言表示「荃灣店都係......除佐（咗）吞拿,其他幾乎都冇Sold out」、「黃埔個間都係，咩都無」，表示相關情況並非獨此一家，全港分店都有相當情況。更有網民曾於11時許光顧該連鎖壽司店於荃灣店的分店，「一半野都冇，甜品全部冇」情況相當嚴峻，又被指責「管理差過舊式茶記」。

有網民狠批相關情況好差劣，留言稱「唔執笠但繼續開分店先神奇」、「執咗佢好過啦！」有網民則嘲笑：「間野（嘢）唔係專門開黎（嚟）飲綠茶同食紫薑咩？」亦有少量網民護航：「老實，我覺得佢有幾樣係好食嘅」、「唔新鮮所以唔比客食」、「上次同店員吹水話請唔夠人，廚房得兩個所以好多款都做唔到」。

《好食玩飛》已向相關連鎖壽司店了解事件，惟至截稿前暫未獲回應。