炎炎夏日買壽司外賣返屋企 入口暖感嚇壞網民：食完冇肚痾要感恩

最近天氣熱辣辣，有市民上網抱怨葵芳一間外賣壽司店「好過分」，食材雪得不夠冷，回到家時整盒壽司已經幾乎全暖，以「依家出街要隨身帶定冰袋」一句諷刺外賣壽司店有問題，卻意外引來網民指責！

炎炎夏日買壽司外賣返屋企 入口暖感嚇壞網民：食完冇肚痾要感恩

近日有網民（下稱事主）於Facebook群組「香港壽司刺身關注組」發文，分享自己於葵芳某新開外賣壽司店購買壽司的經歷。事主於該店消費了$128，購買合共12件壽司、味增湯及沙律菜後，花費15分鐘回到家中立刻食用，入口當下他卻感到相當震驚。

好食玩飛Instagram官方帳號開咗啦！請Follow我哋：https://bit.ly/38tlS4l

他埋怨該盤壽司接近常溫，並指責該外賣壽司店「大熱天時35度，間嘢仲要只做外賣無堂食」不提供堂食成問題外，其雪櫃都大有問題，話「你（店舖）啲魚生刺身係咪應該要雪凍啲」，如今情況讓他感嘆「食完冇肚痾要感恩。」

他在文末繼續鬧該壽司店，指其出品質素差，壽司飯糰細之餘，魚生薄過紙，猶如透明，斥責「壽司師傅無咁嘅功力，用機壓算吧啦！」，並且附上圖片力證自己講法。不過網民似乎不買帳，留言反擊斥責事主有問題！

網民留言斥：「佢用開咩紙？或者佢係咪對透明有咩誤解」、「等十幾分鐘都嫌耐，買爭鮮嘛」、「就黎個師傅要好似謝天華去比賽咁，用冰雪住對手之後先整壽司」、「點樣可以將啲魚生雪凍啲？雪到冰？」等，亦有網民分享經驗，指：「正常壽司係應該接近室溫，而唔係凍嘅，尤其係落完單即做個啲......超市或者要放喺度等人買嘅，先會雪住。你嫌佢『唔夠凍』其實即係間接同人講『自己食慣屎』」，斥責網民貼文鬧得冇道理！

事主講法被網民一面倒批評，最後不勝負荷直接刪貼離場，舉動被網民鬧「潛水」，並將內容截圖放上Facebook群組「香港壽司刺身關注組」繼續批評，引起更多網民加入討論，話題於群組內持續引起熱議。