港人買6吋蛋糕12人分 斥網店無自動加大：明知12人食唔整大啲？

近日有蛋糕網店分享遇上無理客人的見聞，有港人購買一個6吋蛋糕想12個人分，卻無理斥責份量太少，更反指店主無自動加大，事件引起網民熱烈討論！

港人訂6吋蛋糕12人分 斥網店無自動加大：明知12人食唔可以整大啲？

近日有蛋糕網店向專門分享網購蛋糕怪事的「無里頭客人合輯」（IG@404_cake）投稿，指有客人訂購一個6吋蛋糕（$488）後，向店舖索取12份餐具。市面常見的6吋蛋糕，一般為4至6人份量，於是店舖同意提供12份餐具後，亦有詢問客人「6吋夠食嗎？」，獲回覆指「夠」。

不過該名客人收到蛋糕後，再向店主發訊息批評「個蛋糕好細，完全切唔到12份」，更加直斥網店為何沒有自動加大份量，「我話整6吋你就整6吋？你唔可以整大啲？明知我12個人食」。

港人無理要求網店自動加大蛋糕 網民：面皮厚過個蛋糕

事件公開後，網民紛紛批評該名客人做法無理，斥責他「好痴線 #關注香港人精神健康」、「面皮厚過個蛋糕」、「你唔可以買大啲？」，更有人戲稱「點解唔用榨汁機，分100份都得」、「其實每人一啖嘅話，點都可以分到12份」、「係咪想整到成尺高」等。

亦有網民指，該客人只買一個6吋蛋糕，店主願意提供12份餐具已經好好，形容以「麥樂雞嘅價錢，想要燒春雞嘅份量」是無理要求。