旺角人氣車仔麵轉型做外賣團購！原隻芫荽雞/麻辣口水雞/跨區外送

【旺角美食】旺角一間超人氣車仔麵，曾被喻為「可能係全港最大碗嘅車仔麵」而大受食客歡迎！惟近日因應疫情關係，小店決定轉型做團購外賣，將原隻芫荽雞、頭抽雞、清遠雞、麻辣小食等送到大家手上，有網民大讚「好食到要Encore」，更會每日開團送到各區，啱哂為食的朋友和一眾「無飯家庭」，即拉下文睇詳情！

位於旺角的車仔麵小店「旺囍」曾被喻為「可能係全香港最大碗嘅車仔麵」，不但份量十足，而且用料絕不馬虎，一直深受街坊歡迎！因應近來疫情嚴重，小店決定轉型主力做團購外賣，供應多款招牌雞料理及小食等，更會每日開團送到不同地區，非常方便，最適合一眾「無飯家庭」！

小店的團購外賣主打新鮮即製水晶雞及小食，收到訂單後開始製作，部份款式設有現貨，方便大家即日落單加餸！水晶雞選擇非常多，當中以「爆荽雞」最受歡迎，每隻爆荽雞（$98）用上大量芫荽醃製，各位芫荽控不容錯過！另有「藥材滋補三黃雞」（每隻$128，半隻$78）、「實惠龍崗雞」（$128）、「原味清遠雞」（$168，半隻$92）、「古法頭抽雞」（$168）等。

團購外賣小食方面，則以近年大熱的麻辣小食為主，包括醉雞（$48）、口水雞（$48）、麻辣鴨腎（$38）、麻辣鴨舌（$65）、菜脯（$35）、麻辣雞腎（$45）等，大部份款式每日供應，即時下單過口瘾都無問題！

小店的團購外賣現時每日開團，每日會以一個地區為目的地，有時候更會一日內跨多個區，由深水埗送到入葵青區都有，交收時間以傍晚為主，只要在指定時間到達指定地點交收即可，打工仔放工後到區內自取亦非常方便，回家即食！

除了團購自家製食物，小店亦會不定時與其他餐廳合作推出團購，由西式蛋糕甜品、台式芋圓、港式糖水，到酥炸小食、養生熱飲等都有，同樣會送到各區，配冷熱包裝，即日享用或儲糧都沒有問題。

有興趣團購的朋友，可以在小店Facebook帖文內，填妥每日團購表格，下單及付款即可。旺角門市亦有原隻生雞供應，有興趣的朋友可以到門市或經網店購買。

旺囍
地址：旺角豉油街11-15號
電話：6998 4756 / 3583 4233