尖沙咀入門級Omakase午市85折！$329起歎勻壽司+刺身+茶碗蒸+手卷

【飲食優惠】疫情下無得去日本，本地日本餐廳的廚師發辦套餐（Omakase）成為熱潮。尖沙咀有一間日式料理專門店推出堂食Omakase優惠，指定時段內惠顧即可享最低85折，折後約$329起就可以歎到Omakase套餐，有齊茶碗蒸、壽司、刺身和手卷，非常抵食！即睇下文了解優惠詳情啦！

尖沙咀日式料理專門店「神樂」，主打日本直送食材製作的日本料理及廚師發辦（Omakase）套餐，自開業以來獲不少網民讚性價比高。最近，餐廳推出堂食Omakase套餐優惠，折後最平$329起就可以食到！

由即日起，逢星期一至四午市時段，惠顧餐廳的招牌Omakase套餐（正價$388），於下午2時前結帳及離座可享9折優惠，折後價錢為$349；下午2時後入座更可享85折優惠，折後價錢為$329（另收加一服務費）。

餐廳的招牌Omakase套餐，包括日式茶碗蒸、當造刺身5款、手握壽司8貫以及手卷，午市套餐更附送沙律及味增湯，份量十足！套餐包括真鯛、生蠔、北海道帶子、大拖羅、池魚、赤貝、火灸銀雪魚、鵝肝帶子等。

喜愛手握壽司的朋友可選擇餐廳的「握り」Omakase套餐（$298），套餐包括日式茶碗蒸及手握壽司10貫。另有多款午市套餐可供選擇，包括刺身定食（$200）、蔥吞拿魚腩丼定食（$158）、蒲燒鰻魚飯定食（$178）、自選壽司定食（6貫$138/8貫$168/10貫$198）等。所有午市定食送沙律及味增湯，亦可以優惠價加配各式刺身、壽司及小食等。

「神樂」採用日式和室木系風格，設有L字型吧枱位置，讓客人可以與師傅交流。師傅亦會向客人介紹當季最新鮮的食材，了解客人喜好及過敏反應等調整當天供應的食材，非常細心！不過吧枱位置非常搶手，想用入門價試Omakase的話記得要預先訂位！

神樂 Sushi Kagura
地址：尖沙咀金馬倫道國鈀大廈地下
電話：2827 2168