旺角美食｜上水人氣麵店進駐旺角！招牌醉雞湯米線/芫荽雞湯米線

【旺角美食】上水人氣麵店進駐旺角開分店！這間麵店主打多款不含味精的雞湯米線和小食，必試招牌花膠醉雞湯麵、芫荽雞麵、炸魚皮等，以後不用特登搭車入上水，在旺角都可以食到！即睇地址和餐廳招牌美食介紹啦！

位於上水的「鳳鳴居」是一間主打雞湯米線的專門店，無論是在網絡和上水街坊之間都非常受歡迎，店外經常大排長龍，更有不少人專程去上水朝聖！最近鳳鳴居宣布進駐旺角開分店，選址非常方便，並供應多款招牌菜色，包括醉雞湯麵、芫荽雞湯麵、麻辣雞湯麵等，以後不用入上水也可以食到！

必試餐廳人氣招牌菜「醉香雞湯米線」（$48），湯底帶有淡淡酒香味，配上枸杞、木耳及雞件，份量十足！不少網民大讚醉雞麵湯底清甜又帶有酒香，最適合秋冬日子食用！另一款招牌菜「芫荽雞湯麵」（$52）同樣是必試之選，相信會是各位芫荽控的心頭好。

餐廳又提供多款特色雞湯麵，包括「蟲草花雞湯麵」（$55）、「姬松茸雞湯麵」（$55）、「喇沙雞湯麵」（$48）、「花膠雞湯麵」（$88）等，設有5款粉麵可供選擇，包括米線、油麵、公仔麵等。如果想自行配搭，可以食自選車仔麵（$20）。車仔麵有3款湯底及40多款配料任揀，每款配料價錢由$6至$10不等。

如果想食飯的朋友都有多款選擇！包括醉香雞飯（$48）、清湯腩飯（$48）、口水雞飯（$48）、鰻魚飯（$88） 等。更有不同特式小食供應，包括炸魚皮（$18）、溏心蛋（$12）、瑞士雞翼（$19／4隻，$28／6隻）、蒜蓉雞翼尖（$18）、炸雞球（$36）等。

旺角分店位於人流多的西洋菜街，地理位置非常方便。室內以木製傢俱為主，座位不算少，配上吊燈觀感開揚，以後在九龍也可以大飽口福了！

鳳鳴居
地址：
旺角西洋菜南街138號地下（旺角店）
上水馬會道154號地下（上水店）
電話：
3188 5880（旺角店）
2726 0008（上水店）