銅鑼灣午市點心放題！$90任食40款點心　燒賣皇/鮑汁鳳爪/燒腩卷

【銅鑼灣美食】銅鑼灣粵菜廳最近推出午市點心放題優惠，人均$90就可以任點任食超過40款點心，其中包括燒賣皇、蝦餃、鮑汁鳳爪及坊間少見的雷沙芝麻球、燒腩卷等經典點心款式，全部由經驗名廚精心炮製，優惠星期一至星期日都適用，午市用抵價歎茶好機會！

想約朋友小聚歎茶，享受「一盅兩件」？位於銅鑼灣的高級粵菜廳「聚盈樓」推出90分鐘點心放題優惠，包括每人一份的蝦餃皇、原隻燒賣皇、鳳凰煎米雞及極受歡迎的蛋黃蟠桃包等。

另外，優惠可以任食任點超過40款飲茶必嗌的人氣點心，如鮑汁鳳爪、蜜汁叉燒包、山竹牛肉球及鹹水角等，亦有坊間買少見少的雷沙芝麻球及燒腩卷，品嘗懷舊點心！甜品方面，則有紅棗糕、榴槤酥及椰汁紅豆糕，各款點心均由名廚精心炮製，非常抵食！

優惠期由即日起至2022年1月15日，於指定網站預購即可享$90（原價$138）點心午市放題，最少2人同行，限時90分鐘，購買後需1日前致電餐廳確認，記得把握機會了！

聚盈樓 90分鐘點心午市放題

供應日期：即日起至2022年1月15日
供應時段：10:00 - 16:00（星期一至日，限時 90 分鐘）
地址：銅鑼灣霎東街33號智選假日酒店2樓
電話：3590 8826
WhatsApp：5487 1632
優惠預訂：詳情可到KKday官網查閱（購買後需1日前致電餐廳確認）