譚仔雲南米線新出米線免費轉菜底！即日起可揀生菜/芽菜/韭菜底

平時食譚仔，無論配料如何多變，來來去去都只可以配米線。近日，譚仔雲南米線終於宣佈推出「菜底」！即日起只要惠顧任何米線，都可以免費轉做生菜、芽菜或韭菜底！「譚仔癮」起但又想食得健康一點，不妨考慮轉菜底！

譚仔雲南米線宣佈，由即日起凡惠顧任何米線，均可以免費轉為3款菜底，包括生菜底、芽菜底和韭菜底，適合正在減肥或想食得健康的「譚仔迷」！不過要留意，早市不設米線轉菜底選項，另外菜底亦不設加底或減少份量。

消息公佈後，不少網民都興奮表示：「終於有菜底！」也有人留言稱希望之後可以有轉紅薯粉、烏冬等等更多選擇，未知譚仔姐姐會不會考慮一下？