傳許留山最後分店油塘店11月底關閉　芒椰奶西將成絕響？

最後一間許留山傳結業！甜品老字號許留山在港最後一間的油塘店，有傳即將於11月底結業。作為80、90後的集體回憶，大家即將無得再食「芒椰奶西」。

今年5月，許留山早已傳出陷入財困，遭入稟清盤，之後多間分店都相繼結業，只剩下油塘分店。

最近有網民於群組「90年代回憶」發文指，許留山油塘店職員表示「做埋今個月就執笠」，許留山將於11月底全線結業。記者今早嘗試致電查詢，暫未有回覆。

許留山主要買各款港式甜品和小食，並以芒果甜品最出名，以往不時推出的優惠，更吸引大量90後在學生時期光顧，曾經美味又抵食的芒果甜品，陪伴了很多港人的成長，人氣甜品「芒椰奶西」曾風光一時。可惜，後期越賣越貴，味道又大不如前，只剩下遊客光顧，亦難逃清盤結業的命運。

在5月清盤消息傳出後，不少網民都不甚可惜，留言「原來佢未執笠？」、「價錢又貴，鋪又唔就腳」、「呢十幾年做得好差」、「我最後一次幫襯應該係2000年」 等。

不過作為80、90後的集體回憶，最後一間油塘分店結業意味著，大家即將要告別芒椰奶西、芒椰蘆薈爽喇！