灣仔銅鑼灣5間人氣老字號車仔麵　九記牛什/榮記粉麵人龍不絕

車仔麵又叫「嗱喳麵」，是價廉物美的平民美食，一碗已經食到多種配料，任君選擇。灣仔和銅鑼灣是不少車仔麵老字號的集中地，本文整理了5間人氣爆燈的老店，各有特色，例如屹立半世紀的九記牛什粉麵，及立食為主都能大排長龍的車仔麵之家。

【1】九記牛什粉麵：半世紀牛雜麵店

由車仔檔到遷入鵝頸橋街市，九記牛什粉麵已經開業超過半世紀。幾十年來賣新鮮牛雜而馳名的九記，事實上是間車仔麵店，牛雜以外，煎魚餅都是十分熱賣的配餸，每到中午都會大排長龍。點擊圖片睇睇九記人氣依舊的原因 👇👇

【2】榮記粉麵：規矩多多的澳牛式車仔麵

為講求效率，榮記的要求多多，例如每碗麵最多可配5款餸，淨餸最多可以叫6樣，落完單不能加單，畫了就不能改餸。而每碗麵都有菜墊底，感覺都幾健康，難怪每日都大排長龍。點擊睇睇榮記粉麵有什麼賣點 👇👇

【3】新記車仔麵：旅客必到車仔麵店

叫得香辣車仔麵，新記車仔麵的辣汁絕對是精髓。在銅鑼灣屹立多年，早已建立了不錯的口碑，就連海外遊客都會專程去食。新記有超過40款配餸選擇，加上多款麵底，超級百搭。好辣之人記得要來挑戰，點擊睇有幾多香辣美食可以選擇 👇👇

【4】永年士多（銅鑼灣分店）：元朗50年老字號分店

相信對車仔麵有要求的人，都聽過元朗的老字號麵店永年士多。永年的名氣亦早已衝出元朗，在港九新界先後開設分店。銅鑼灣分店開業後，維持了元朗店的水準，因此在老店林立的銅鑼灣區仍站得住腳，一於睇睇必食推介 👇👇

【5】車仔麵之家：人龍不絕的立食車仔麵

想食到車仔麵，必須擁有強勁的腳骨力，因為經歷排隊之後，還要站著食麵。在繁忙時間，你更可能要經歷站在後巷食麵。小店以咖哩魷魚、酸齋和鹵水豬大腸最受歡迎，絕對是以配餸聞名的小店，一於睇睇配餸幾好食 👇👇

【1】九記牛什粉麵

地址：灣仔寶靈頓道21號鵝頸街市1樓鵝頸熟食中心8號舖
營業時間：星期一至六07:00-17:00
電話：29888960

【2】榮記粉麵

地址：銅鑼灣糖街27號A地下
營業時間：星期一至四 11:30-22:00；星期五至日 11:30-22:30
電話：28082877

【3】新記車仔麵

地址：香港銅鑼灣登龍街49號地下B舖
營業時間：星期一至日 12:15-23:00
電話：25735438

【4】永年士多（銅鑼灣分店）

地址：銅鑼灣謝斐道482號信諾環球保險中心地下7-9號舖
營業時間：星期一至日 11:00-21:30
電話：24777298

【5】車仔麵之家

地址：灣仔晏頓街1號A
營業時間：星期一至六 07:00-18:00
電話：25296313

🍜🍜🍜 同場加映：深水埗5間高質車仔麵　小排檔還原牛下車仔麵　任你點$13食炆花膠 🍜🍜🍜

除了人氣的老字號，近年亦出現不少新式車仔麵店，有著多種特別而且新奇的配搭，一於睇睇兩間新式車仔麵推介。

【1】饗車仔麵：必食招牌「醉饗蛋」

車仔麵店的湯底還有蕃茄湯、咖哩汁、麻辣湯底？沒錯！饗車仔麵提供不少新奇的配搭，而招牌菜更有「醉饗蛋」，其實是以花雕醉雞的酒所製成的流心蛋，入味得來很好食。點擊睇睇價錢和有什麼值得你幫襯 👇👇👇👇👇

【2】任你點車仔麵：$13食到鮑汁炆花膠

看看任你點車仔麵的餐單，不知道還以為自己去食拉麵店，因為配餸就有日式豬軟骨、日式叉燒、日式溏心蛋。不過講到最特別的，就是有鮑汁炆花膠好味溏心鮑魚，點擊睇睇價錢及是否值得你試 👇👇