電影《潛行》現正上畫，電影由劉德華主演及監製，身兼監製，華仔凡事親力親為，而在最新的製作特輯上，華仔不單陪大家捱夜開工，更親自去執樹枝？有咩樹咁緊要要親自去搵？華仔事事親力親為，開工到朝早，當晚又再出現。（影片截圖）華仔笑言現場大把人陪自己玩，不捨得走。（影片截圖）原來當時劇組正在拍攝《潛行》中華仔的婚禮場面，同時間被敵方及警察追捕，至於華仔要執的樹枝其實係道具之一，作為鏡頭前的擺設，營造出有層次及景深效果，而受惠的就是林家棟。不過因為枯枝有刺，華仔都不小心被拮親，要小心呀！