潛行｜劉雅瑟激罕透視裝現身首映　朱鑑然喜獲劉德華台上祝賀生日

由劉德華監製的電影《潛行》昨晚（9日）在九龍塘舉行群星慈善首映禮，場面星光熠熠，而有份參與演出的劉雅瑟及朱鑑然同樣是一月生日的壽星，華仔更在台上為二人送上生日祝福。劉雅瑟及朱鑑然一起接受訪問，朱鑑然率先分享自己的生日願望，他說：「非常surprise，冇諗過35歲嘅生日係《潛行》嘅嗰度慶祝，劉德華先生唱咗兩句生日快樂俾自己，諗唔到同埋都係非常開心！」

被問到生日願望，他表示：「生日願望都係以身體健康為主，開開心心，我諗2024年可以好好咁面對自己嘅弊處。」劉雅瑟則笑說：「生日願望和他一樣。」

講到之後會否去謝票，朱鑑然說：「我會去謝票，我會代表劉雅瑟去謝埋佢嗰份。」劉雅瑟回應：「好想，因為我希望可以在電影院同觀眾有交流。」

提到彭于晏訪問表示過謝票可以考慮騷肌肉，他說：「你OK我OK，我覺得電影最開心嘅嘢係卡士好大好勁，因為我哋返咗內地去跑步，Feel到好一家人嘅感覺，我諗依樣嘢係最好。」至於今次劉亞瑟演出做劉德華老婆，她表示：「完全冇壓力，我嘅感受就係非常難忘！」