成龍受訪痛批荷里活成名作《火拚時速》　感覺差︰唔明有咩咁好笑

動作巨星成龍早在八十年代初便進軍荷里活，但拍了幾部戲都不受歡迎，他曾受訪表示因而意興闌珊：「冇人知呢個唔識英文嘅中國小子係乜水，我好失望，唔想再攻美國市場」。

直至90年代尾，經理人再次勸成龍演出荷里活電影，今次這部叫《火拼時速》，成龍飾演來自香港的督察，跟Chris Tucker飾演的洛杉磯警察組成拍檔，去拯救被人綁架擄走的中國政客的女兒。成龍表示當年答應演出，全因劇組讓他說一口「爛英文」。

拍完《火拼時速》，成龍對經理人表示永遠不想再拍這類型電影：「部戲好差勁，佢哋唔准我做個人風格嘅動作戲，我講唔好英文，亦唔明Chris Tucker講乜，真係好差！」到電影舉辦首映會，現場觀眾由頭笑到落尾，更令成龍摸不著頭腦，挫敗感十足：「佢哋笑咩呢？我唔明囉」。但《火拼時速》最後大收旺場，前後拍足三集，令成龍在荷里活站穩陣腳，成為國際級巨星。