紮職2｜黃宗澤拍劈友戲驚動警方到場調查　陳家樂被武指打到面腫

黃宗澤（Bosco）和陳家樂今晚（20日）現身北角出席電影《紮職2》「久違了的午夜場」，Bosco表示：「其實我哋拍呢套戲嘅時候，咁啱喺疫情嘅時候，當時啲街道好少人，我哋試過喺尖沙咀街頭拍劈友戲，當時係幾十追住三個人係咁劈，殺聲震天，搞到啲街坊以為真係有人劈友報晒警，之後就有警車嚟到調查，先知我哋拍緊戲，原來係誤會一場，佢哋登記完就收隊離場。」

家樂接著說：「其實我哋斬人係拍得好真實，因為我哋嘅武指佢係好冇人性，我好記得有一場戲，我係要畀佢打塊面，最慘係佢手臂好似我大髀咁粗，開頭拍又話一Take過，點知拍咗好多次，最後係打到我成塊面腫咗，變咗大細面，連後有少少唔連戲，要靠另外塊面接返落去。」