盧瀚霆為《釀魂》謝票30多場　與陳紫萱對票房感滿意

Anson Lo、陳紫萱、林耀聲今日（16日）出動為其主演電影《釀魂》進行謝票，Anson Lo透露今日場數近30多場，問到會否準備福利，Anson Lo表示自己是電影初哥，反問記者需要準備什麼。「let’s see ， 我諗諗。即係要無啦啦除衫？我未聽過有人要除衫謝票，唔係我要嘅別，我比較sweet ，太性感都唔係好適合我。」

提到票房達6百萬，Anson Lo認為值得高興，因為身邊唔少工作人員、親友都怕睇鬼片，故對於票房感滿意，問到會否有信心超越《假冒女團》，陳紫萱表示兩部電影屬不同性質，所以難作比較。由於行程較忙，故Anson Lo仍未有時間睇AK嘅《七月返歸》，但強調自己已經唔怕鬼。「同兩年前比，我係脫胎換骨，之前睇都仲會遮眼。」

完成電影宣傳後，AL將準備推出新歌，由於天氣關係，MV要分開兩日拍攝。至於MV何時見街，有劇透王之稱嘅Anson Lo口快快透露在下月4號播，花姐在旁大感無奈。