劉德華拒與張栢芝合作原因曝光？　華仔上節目親自透露玄機

劉德華與張栢芝同為影帝、影后級人馬，照道理合作拍戲應該有很大火花，不過兩人原來只一起拍過兩部片，同樣於2003年上演的《老鼠愛上貓》及《大隻佬》，而華仔更曾揚言拒絕與栢芝再合作，仲上節目公開背後原因，究竟發生咩事？

2015年向太陳嵐曾公開數落柏芝，之後更大爆栢芝當年與華仔拍《大隻佬》時，竟然激嬲對方以至從此不再合作。向太透露栢芝埋位時竟然顧住講電話買名牌手袋，仲一口氣買足5個，而吊著威吔的華仔被迫呆等，當然大動肝火，向太指華仔曾打電話給她抱怨，最後亦睇住她份上才平息。

有網民找到華仔2010年於節目《康熙來了》，就曾以不開名方式講過同一件事：「我試過一次吊鋼絲，吊大概6樓，然後是反過來往下衝的鏡頭，下到差不多地上把女的抓回來，結果我一路拉，一路看到下面還在講（電話）。」華仔指「該名女星」邊拍戲邊講電話並非有惡意，只是習慣了：「我認為她是一個非常好的演員」。之後小S問他有沒有跟對方說這樣做不敬業，華仔坦言有，不過廿年來兩人再無合作。