大劉周星馳請小朋友睇《長江7號》　星爺獻聲：叫我星哥仔得嘞

劉鑾雄（大劉）慈善基金與周星馳今日（10日）聯手舉辦「《長江7號》15 週年慈善放映會」，邀請香港社區組織協會的弱勢社群及協康會的自閉症兒童，一同重溫星爺經典之作。

星爺送上一份驚喜禮物給到場小朋友，就是特意親自錄音給大家：「各位小朋友好，我係周星馳，唔好叫我星爺，叫我星哥仔得喇，希望大家今日睇得開心，仲有記得好好地讀書，將來要做個對社會有用嘅人呀！」

放映會後，大會又送上「七仔」毛絨公仔、筆記簿及筆給現場所有小朋友，大劉太太「甘比」陳凱韻表示：「今天大家睇得好開心又感動，戲中周小狄與爸爸之間深厚的感情，令大家也忍不住哭了起來（包括我在內）」。