【失眠】揭三大刪減特寫鏡頭　邱禮濤：電檢已比想像輕手

在上月的香港國際電影節，邱禮濤執導的血肉橫飛之作《失眠》，上映過無刪剪版本，當時所有門票被搶購一空，觀眾回響亦十分正面，但有指為免不獲電檢處通過，公映版刪減不少鏡頭，令人擔心失去原汁原味。《失眠》即將在明天5月18日上映，導演邱禮濤就此說法作出回應，他指被刪剪位合共只有四、五秒左右，難怪笑言要劏雞還神。

（注意！以下圖片及預告片可能會令人情緒不安！）

被刪減的三處分別是：陽具大突寫、割喉大突寫及人體內臟放題。這三幕獲電檢攔腰硬cut，皆因直逼四級程度的血腥場面，事後邱禮濤回想說：「其實拍攝嗰陣都有問自己，點解今次要去得咁盡？因為最終通過唔到，拍嚟都冇用。但估唔到今次電檢比我想像中輕手咗好多，真係好仁慈！」所以基本上修改不會影響劇情推進。

當然總有人認為因刪減鏡頭而影響觀賞價值，或者有影迷總是想看到無刪剪版，邱禮濤就表示：「受電檢條例所限，要喺香港再公開放映好困難，即使第日出碟都唔得！如果觀眾想係大銀幕睇嘅話，恐怕要去歐美、日本啲影展先有機會。不過好彩，而家放映嘅版本都只係少咗三個close-up，加埋都係唔見咗幾秒鐘，對觀眾嚟講損失唔算多！」