劉德華頒獎畀鄭秀文暖心動作獲網民激讚　Sammi IG傳情：有你真好

《第四十一屆香港電影金像獎》日前舉行，第七度提名最佳女主角的鄭秀文（Sammi），終於憑《流水落花》榮登影后。當日大會安排劉德華任頒獎嘉賓，他跟Sammi可謂港產片最佳螢幕情侶，由他頒獎給Sammi別具意義。有網民發現華仔頒獎時一個暖心小動作，突顯了他細心性格，究竟華仔做咗啲咩呢？

當日華仔宣讀賽果後，Sammi緩緩走上舞台，華仔一早已伸定手迎接她，不過最暖心的動作之後才出現，二人在台上擁抱時Sammi背對著舞台，未幾華仔便刻意轉身，讓Sammi可以面對觀眾。網民分析Sammi拿獎意義重大，華仔不願搶去好友風頭，才作出此舉，大讚他細心又風度十足。

點擊下圖睇華仔頒獎畀Sammi暖心舉動

今日（19日），Sammi繼續於Instagram的限時動態分享金像獎當日的花絮照及影片，其中一張相片正正是華仔抱著她，她加了一句「謝謝你。有你。真好。」，之後再出Post，用同一張相配上歌曲《Arigatou》，寫道：「華仔，多謝你。多謝你。多謝你。有你，真好。＃一路走來感恩有你」，盡顯兩人情誼。