盜月者｜姜濤首日開工心情靚　花姐親自監督Anson Lo食飽飯

由袁劍偉執導嘅《盜月者》上月底訴日本完成外景後，近日開始拍攝香港戲份。今早（14日）呂爵安（Edan）、姜濤、張繼聰先後抵達深水埗錶行進行拍攝，現場有近30名鏡粉守候，由於眾人一直留在店內拍攝，有鏡粉為見偶像一面，竟然站立於店舖對開嘅馬路中央，十分牙煙。

約12時，劇組放飯，花組到附近餐廳買外賣，Edan與姜濤完成戲份後便返到車上用膳，半小時後，食飽嘅姜濤於車外整裝，期間與工作人員有講有笑，又研究道具手錶。姜濤昨晚（13日）才由新加坡返港，今日首為《盗月者》開工，無論心情抑或狀態都不錯，並先後換上兩個造型，其一件襯衫比較復古，而另一款則比較花俏。

約1時許，Asnon Lo(盧瀚霆）座駕到達，花姐拎著外賣與水到車上，似乎是要督促Asnon Lo食飽才開工，約半小時後，「教主」現真身，在場嘅fans 忍不住歡呼，而Anson Lo 亦有點頭回應，留在店內拍攝近兩小時後，Anson Lo返回車上取自家小風扇使用，見有不少鏡粉尖叫，並有點頭回應。